Irving Berlin, nacíu Israel Isidore Baline, (11 de mayu de 1888, Talachín(es) y Tiumén(es) – 22 de setiembre de 1989, Nueva York[10] o probablemente en Maguilov, anguaño en Bielorrusia) foi un compositor y lletrista de Broadway norteamericanu, unu de los más prolíficos y famosos de la historia contemporánea d'Estaos Xuníos.
Berlin, xudíu, foi unu de los pocos compositores de Tin Pan Alley/Broadway qu'escribieron tanto les lletres como la música de los sos cantares. Anque nun llegó a aprender nunca a lleer música más allá d'un nivel elemental, compunxo alredor de 3000 cantares, munches de les cuales, incluyendo "Cheek to Cheek","God Bless America", "White Christmas", "Alexander's Ragtime Band" y "There's No Business Like Show Business", dexaron una buelga indeleble na música y cultura d'Estaos Xuníos. Produció 17 películes y 21 espectáculos de Broadway, amás de los sos cantares individuales.